صارحى نفسك

بقلم سارة يوسف :

مش عيب اننا نصارح نفسنا ونقول ان احنا بالنسبة له هوا .. ولا حاجة ..

اننا لعبة فى ايده .. بيسلى نفسه وقت فراغه .. وقت لما يلاقى نفسه حزين ومتضايق او قاعد لوحده ..

صارحى نفسك بدل ما تكون صدمتك اقوى لما تلاقية مرتبط بواحدة تانية .. وفى عينيه لها نفس النظرة اللى كنت فاكرة لاسف انها لك لوحدك ..

وبعدين هتتعبى نفسيا لو لقيتىيه بيتكلم معاها زيك .. ويقولها لها نفس الكلام ..

العمر بيعدى وكل يوم بتتخيلى فيه ان هيجيلك ويقولك يالا نقضى باقى العمر سوا ..

لية هو بعد ؟ ما تساليش ؟

جايز مشاعره اتغيرت.. لما قرب لقى حاجة تانية غير اللى فى باله ..

جايز كان عايز يتسلى وبعدين لقاكى غير كدة بعد عنك 

مش مهم السبب .. المهم انك عرفتى مشاعره 

ابعدى .. هتتالمى اكيد .. هتحسى بالكابة.. هتبكى .. هتنعزلى .. 

هيعدى الوقت وهتتاقلمى ما تقلقيش ..

ويمكن - مش اكيد -  يرجع تانى .. وساعتها بيعى واشترى فيه براحتك ..