بقلم :  دينا

كيف انسى ؟

بالسهولة دى انسى وامحى سنوات من عمرى كنت سعيدة فيها معاك ..

ما كنتش اتخيل انى دى تبقى نهاية الحكاية ..

تبعد من غير حتى ما تعتذر .. او توضح سبب لكل تصرفاتك الاخيرة معايا ..

انت كنت بتسلى وبتلعب ولا اية بالظبط ؟

والاصعب انك بتقابلنى ولا اكن كان بيجمعنا كلام ومشاعر ..

انا هاحافظ على كرامتى .. واتعامل بالمثل .. لكن من جوايا هموت واعرف السبب..

كل اللى اقدر اواسى به نفسى انى كنت اشعر ان دى هتبقى النهاية بس كنت بحب اغيش فى الوهم لانى كنت سعيدة ومبسوطة 

وارجع تانى اكلم نفسى يا ترى فى واحدة تانية شغلت قلبك .. 

بتبص لها نفس نظراتك اللى بعشقها ..

بتبتسم لها احلى ابتسامة اللى كانت بتسحرنى ..

بتوعدها تتقابلوا  ..

وتسهر الليل تفكر فيها وتكلمها وتتغازل فيها 

حرام .. كفاية تفكير فيه .. انا كدة بعذب نفسى اكتر ..

هشغل وقتى كله وادور على سعادتى فى مكان تانى ومع حد تانى ..

رسالة منها ....