المهم انى اتجوز

 

كتب : امل الخولى 

مبدئيا فى بنات متخيلة انها ممكن تغير من شريك حياتها بعد الجواز .

بتحب رجل وبعدين بتكتشف انه فى عيوب وصفات مش عجباها ... وصعب التأقلم معاها ..
مثل اانه عصبى .. بخيل .. بيرفع صوته امام الناس غير قادر على التحكم فى اعصابه .. بيغضب بسرعة ومبيتصالحش بسهولة او موسوس وشكاك وغيره من الطباع .. ..
صفات بتكون هى من جواها قلقانة منها وكل شوية تقول  لنفسها  " انا هقدر بحبى انى اغيره "..
لما أكون معاه فى بيت واحد هقدر أسيطر عليه وأشكله ويبقى زى ما أنا عايزة ..
بس المهم انى أتجوز

طبعا أفكار قد تكون خاطئة إلى حد ما.. 

كل ما عليك ان نفرق بين العادات والسلوك وبين الطبع ..
حتى لا تصدم بعد الجواز عندما تفاجئ انك فشلت في تغييره وتظن أن العيب منك أو انه لم يعد يحبك ..
العادات .. هي شئ اعتاد الشخص على فعله اى روتين حياة مثلا مستمر كالصحيان متأخر .. لعب الرياضة .. التدخين ..
هنا ممكن نغير من عاداته ويتغير بعد الجواز
لكن الطبع مثل البخل ..الطمع .. الأنانية .. الخيانة .. العصبية .. الكذب
صعب انه يتخلى عنه بعد الجواز .. ممكن نحاول تهذيبه لكن تغييره صعب ..
الطبع موجود منذ الصغر دون إرادة من صاحبها بسبب النشئة والبيئة ..
ساعات المرأة بتدخل في تحدى مع نفسها او أسرتها من اجل الارتباط بهذا الشخص.
حتى عندما ترى عيوب واضحة فى شريك حياتها وتتغاضى عنها معتقدة انها قادرة على تغييرها بعد الجواز ..
لكن فى الحقيقة العادات او السلوك ممكن تقويمها وتغييرها لكن الطبع امر صعب ..

ليس شرط تكون طباعكم واحدة المهم انك تكون متقبلة طباعه ومتأقلمة معاها ..
في فرق بين ست وست .. في ست عندها امل انه يتغير فبتكمل ..
وفى ست ألغت العاطفة وفكرت بالعقل وعرفت أن التغيير صعب فبتنهى الموضوع .