الناس الحلوة

 

بقلم : أمل الخولى

خليك قريب من الناس الحلوة اللى دايما متاحيين لك على طول، وفى اى وقت، وجودهم بيهون عليك الصعب وبيخلى ضحكتك منورة وشك.

لا يزهقوا من رغيك، ولا يملوا من شكوتك.

وقت ما تحبط بتجرى عليهم من غير ما تستأذن ، يسمعوك، ويفضوا نفسهم ليك.
ووقت الفرح يتنططوا معاك، ويغنوا، ويحتفلوا وياك.
مفيش بينكم حواجز ولا عوازل، مهما غبت متأكد انهم هيفتحو لك ذراعهم من جديد.
الناس الجدعة دى اوعى تزعلهم، لانهم عملة نادرة في الزمن دة.