كيف
اتفادى مشاعر الحزن على الصديقة التى خانت ثقتى والعشرة التى جمعتنا معا, وبعد
مرور وقت تغود تطلب منى السماح وتعتذر لى على ما بدر من وتطلب ان انسى واسامح
وتبكى بعد ان تركها ...غير قادرة على تجاوز ما فعلته واسامح... وكيف اسامح من سرقت
حبيبى وخطيبى وهجرتنى....
عزيزتى:
الصداقة من اجمل العلاقات فى
الوجود
هى المرايا اللى نرى فيها ملامح
الزمن بوضوح ..
ولكى تكون الصورة واضحة يجب ان
تكون من غير شروخ ولا كسور.. لانه يصعب ترميمها ...
وليس اى شخص نوصفه بالصديق..
وليس بالمدة .. ولا بالخروجات ولا كتر الحكاوى ولا السمر ..
الصديق هو الذى ابكى على كتفه دون ان يمل او يتعب ..
هو الذى احكى عن السئ اللى فيا من غير ما اخاف ان يرانى سئ او يبعد عنى ..
هو اللى يلتمس ليا الاعذار لو غبت عنه .. ويقابلنى بالاحضان والشوق اول ما يشوفنى..
هو اللى بيطمن لما يلاقينى بضحك ..
اللى يحس بيا وهو بعيد عنى واجده بيتصل يسأل..
هتقولى مواصفات صعبة نلاقيها فى الزمن دة..
لا يا عزيزتى موجودة الصداقة الحلوة دى .. مش مهم العدد الكبير المهم الصادق منهم..
عزيزتى من تخونك مرة ستخونك مرات.
ومن استباحت حزنك لو جاءت لها الفرصة مرة اخرى ستفعل..
اخذت خطيبك .. فكيف تؤتمن على ان تدخل بيتك فى المستقبل ..
هجرتك وبعدت وعندما وجدت نفسها وحيدة بعد ان تركها هو .. عادت لك .. فهى رجعت لكى تحيا نفس الحياة التى كانت مع صديقتها ظنا منها انك ستكونين على نفس العهد..
هذة لا تؤتمن لا على اسرارك ولا على بيتك ولا حتى عملك ...
يفضل ان تكون العلاقة بعيدة عن كل هذا اذا امكن ...
ولا تحزنى عليها .. فى النهاية عرفت قيمتك وعادت ..
ممكن نسامح لكن لا نعود
تعليقات
إرسال تعليق