ازاى نتعامل مع الشخص البخيل عاطفيا ؟

 

امل الخولى :

البخل بصفة عامة صفة سيئة  .. 
الشخص البخيل عاطفيا بخيل بردوا فى الكلام الحسن وفى التعبير واظهار مشاعره لاخرين ..
حتى بخيل فى احساسه بالفرح والاستمتاع بالحياة ..

الانسان هو كتلة من المشاعر  .. ساعات بيظهر بمظهر الشخص القاسى  او الجاف فى عواطفه لكن الحقيقة ان ممكن اى كلمة حلوة تاثر فيه وتحرك مشاعرة ..

فى اوقات بنضطر  اننا نكتم مشاعرنا حتى عن اقرب الناس لينا .. ونفضل اننا نبان اننا جامدين ومافيش حاجة بتاثر فينا ..

البخل العاطفى  مشكلة بتواجهة كتير من الاسر وهى اشد قسوة من البخل المادى

عدم الافصاح عن المشاعر واخفاءها بيفسر انه نوع من انواع الاضطرابات النفسية اللى بتحتاج احيانا للعلاج

لكن لازم فى البداية ان نعترف به ويتقبله وما نستسلمش له ونحاول التعايش معاة لو فشلنا فى التغيير ..

البخيل عاطفيا هو شخص بيبقى عنده قصور فى التعبير عن عواطفه ..
لكن دة مش معناه انه متبلد المشاعر ...لكنه متحفظ فى التعبير عنها ..

ودة بيخلى البعض يفسره انه غرور وتكبر وبالتالى بيبعد عنه الاصدقاء والاقارب وحتى بيعمل فجوة بين الازواج ...

العطاء شعور جميل .. والمشاعر لو ما عبرناش عنها بالكلمات والافعال وتكون خارجة من القلب .. بتفقد قيمتها وبتوصل اى علاقة للنهاية ..


كل شخص بيحتاج انه يحس باهميته عند الطرف الاخر وبتقديره ..

الكلمة الحلوة هى مفتاح القلوب ..
وتملك قلوب وعقول الناس .. وبتساعدنا نقدر نواجهة متاعب وصعوبات الحياة ..

بتخلينا نحس اننا مش لوحدنا فى الدنيا وان الناس اللى بنحبهم حاسيين بالامنا وبيطبطبوا علينا ..

هنتكلم دلوقتى عن اسباب البخل العاطفى :

هناك اسباب بتتعلق بالتربية والنشاة فى الطفولة ..
يعنى بيكون عنده مشاكل نفسية فى طفولته مدفونه جواة  .. زى قسوة الاب او الام .. والتعود انه ما يشارك اسرته فى احاسيسه وبيخفيها عنهم ويكتمها ..
او كان شخص انطواءى .. مالوش اصحاب ..

هناك اسر قامت على عدم احترام عواطف واراء الاولاد .. ودول دايما بتسكت صوت اى طفل .. كانه مالوش راى ..
ودة اسلوب بيخنق  المشاعر جوة الاطفال وبتحرمهم من الاستمتاع بالحب ..

التطور الكبير فى عالم الاتصال والتواصل الالكترونى سيطر على حياة واهتمام الناس فاصبحوا  (  يهنوا .. ويعزوا ... ويباركوا .. ويعيدوا فى المناسبات .. وسالوا عن بعض .. ) عن طريق النت من غيرما يتقابلوا او يجتمعوا كعاءلات  زى زمان ..
فأصبحت المشاعر مصطنعة ..

انشغال الناس بظروفهم الاجتماعية وحياتهم اللى اثرت على العلاقات الاجتماعية ..
وانغماسهم بالعمل والسعى لتوفير احتياجات المعيشة وحياة كريمة لاسرته خاصة بعد غلاء المعيشة ..



ان يعتقد ان البوح بمشاعرة هتخلية شخصية ضعيفة قدام الناس وهيتعرض لانتقاد والسخرية ... وينقص من كرامته ..

ما بيحاولش يبذل مجهود ليقوى علاقته بالناس خاصة باللى بيتعامل معاهم بصفة دايما مثل الاهل والاقارب او زمايله ف  الشغل او حتى الجيران ..وراضى بالوضع الحالى دة ومبسوط ..



ان يظهر بمظهر الانسان الضعيف الشخصية .. اللى بيحاول يكسب تعاطف واحترام الآخر بين..
والحالة دى بتبقى موجودة عند الرجال اكتر من النساء ...

الاعتقاد بان اخفاء المشاعر هيخليية يتفادى الوقوع فى المشاكل ..



التعبير عن المشاعر والعواطف امر مهم جدا ..
المشاعر بتكون موجودة بس مدفونة جوة الشخص و بتحتاج للتشجيع  عشان تخرج للنور وتنطلق ...

هنتعرف سوا على شوية نصايح نساعد فيها على ازاى يخرج مشاعرة :
فى الاول لازم نعرف ان البخل العاطفى بيدمر علاقة الشخص بكل اللى حوالية .. واقرب الناس ليه .. وسبب للكتير من المشاكل ..
مش بس بين الازواج .. لا وكمان بين الاصحاب .. والمدرس والتلميذ .. بين الجيران .. وافراد الاسرة ..
هو بيشمل كل العلاقات الانسانية ..

هو بيخلق جو غير صحى ..

طب والحل ؟

إظهار الحب والمودة

تتطلع الاطفال عادة إلى الاهتمام بدءا من السن الصغيرة قبل المدرسة وأثناء المراهقة، وحتى في كبرهم. ولعل أحد أهم الأشياء التي تفعلها الأسر للإبقاء على رابطة قوية هي إظهار الحب والمودة تجاه بعضهم البعض بشكل غير مشروط، والذي يتمثل في العناق، والقبلات، وكلمات الحب والاحتواء والاهتمام. كل هذا يعمل على تقوية الرابطة بين الآباء والأبناء ويعزز الثقة بالنفس لديهم ويساعدهم على النمو الصحي.


نتعلم نظهر مشاعرنا ونعبر عنها من غير تردد للى بيربطنا بيهم رباط قوى من غير ما نكسف او نخجل ..
فهم فى امس الحاجة للحنان والكلمة الحلوة
بلاش نكتم مشاعرنا او اى احساس ..

نحاول تغيير العادات اللى اكتسبناها من التربية الجافة ..
اكيد الموضوع هيكون صعب فى البداية .. لكن مش هيبقى مستحيل ..
بالتمرين على اظهار العواطف هيكون اسهل

نفتش دايما على المميزات والصفات الحلوة  اللى موجودة فى المحيطيبن بينا .. وامدحهم .. ودة هيخليهم هم كمان يفصحوا عن مشاعرهم ...

نحاول التحدث مع شخص قريب يكون محل ثقة واحكى له عن الاحاسيس التى تتحرج ان تبوح بها ..
فدة بتكون الخطوة الاولى لكى تتخلص من صفة البخل العاطفى ..


اذا لم نجد الشخص المناسب ممكن تلجا للكتابة .. وبعدين نقرا اللى كتبناة بصوت مسموع وبكدة نكون اتدربنا على التعبير حتى تتخلص من خجلك نهائي..



طب لو هنسال ازاى نتعامل مع الشخص البخيل عاطفيا :

اولا نحترمه مشاعره وبلاش نزعجة .. ونتعامل معاة ....

الحوار .. نتكلم معاه صراحة .. وبكدة بنلفت نظرة .. فيبدا يعدل من سلوكة .. ويدور جواة عن اصل المشكلة ..


نبادر احنا الاول باغداقة بالمشاعر سواء بالكلام الجميل او بالحضان والمعاملة الحلوة .. بالحنان ...من غير ما نستنى ان يعاملنا بالمثل ..
اكيد دة هيكون تشجيع  ..


العوامل اللى بتؤدى الى الجفاف العاطفى والبرود :

الخوف المرضى :
القلق والخوف من ان يتم صده .. او ان يتم رفضة من الطرف الآخر...  او ان يكون منبوذ او مكروها ..

الكمال العاطفى :
وهنا بيفتكر ان عليه يكون انسان عاقل ويتحكم فى مشاعره ...

قراءة الافكار :
ساعات بيستنى الشخص ان يبادر اللى قدامه بقراءة افكارة ويفهم مشاعرة من غير ما يتكلم ... فبيقعد كاتم مشاعرة لغاية ما يبداو هم الاول ..


وبجانب دة هناك اسباب نفسية  :
جفاف المشاعر والقسوة بين الاشخاص
غياب اللين والمودة.
فقدان لغة التواصل والحوار ..


الاعراض اللى بتظهر على الشخص البخيل عاطفيا ..

• سريع الغضب
• لا يتفاعل مع اى مناسبة ويهرب من اى نشاطات مشتركة ..
• ما يمدحش شريك حياته او ابناءه
• عنده دايما احساس بالياس فى اغلب علاقاته ..
•
الكلمة الطيبة بتعكس رقى واخلاق صاحبها وثقافته ..
فهى تفتح المجال لاكتساب علاقات جميلة ..
واكتساب صدقات جديدة ..
وبنكسب بيها حب الناس..
الكلمة الحلوة والمعاملة الحسنة ليهم اثر كبير على نفوس البشر ..

  اثارها

تنشر مشاعر الالفة والود والحب بين القلوب ..
تساعد على تقوية وتوطيد العلاقات الاجتماعية ..
تحويل العدو لصديق حميم ..
والخصام لصلح ..
والحزن لفرح ..
الكلمة الحلوة قادرة تغيير مسار حياة الاشخاص لافضل ..


فى النهاية :
كلمة شكر او شهادة تشجيع لتلميذ او ابن او موظف او جد لها مفعول السحر ..
لو ادركها الناس لما بخلو .. وترددوا فى تقديمها للى بيحبوهم او للى بيتمنوا لهم الخير ..
ياريت منتاخرش لان الوقت بيعدى .